ថ្ងៃ​នេះ​ជា​ថ្ងៃ​ប្រកួត​មិត្តភាព​អន្តរជាតិ U-23 របស់​ក្រុម​ជម្រើស​ជាតិ​កម្ពុជា និង​ក្រុម​ជម្រើស​ជាតិ​ជប៉ុន

ក្រុម​ជម្រើស​ជាតិ​កម្ពុជា​អាយុ​ក្រោម 23 ឆ្នាំ នឹង​ធ្វើ​ការ​ទទួល​ស្វាគមន៍​ក្រុម​ជម្រើស​ជាតិ​ជប៉ុន​អាយុ​ក្រោម 23 ឆ្នាំ ដែល​ជា​ជំនួប​មិត្តភាព​អន្តរជាតិ។ ការ​ប្រកួត​នឹង​ធ្វើ​ឡើង​នៅ​ពហុ​កីឡដ្ឋាន​មរតក​តេជោ វេលា​ម៉ោង 7:00 នាទី​ល្ងាច។ ដោយឡែក មុន​ការ​ប្រកួត​មក​ដល់ គ្រូបង្វឹក​ទាំង​ពីរ​ក៏​បាន​បង្ហាញ​ចំណាប់​អារម្មណ៍​រៀងៗ​ខ្លួន​ផង​ដែរ ដោយ​លោក Hirose Ryu ជា​គ្រូបង្វឹក​របស់​ក្រុម​ជម្រើស​ជាតិ​កម្ពុជា​អាយុ​ក្រោម 23 ឆ្នាំ​បាន​លើក​ឡើង​ថា៖ “ការ​ប្រកួត​ជា​មួយ​ក្រុម​ជម្រើស​ជាតិ​ជប៉ុន មិន​មែន​ជា​ការ​ប្រកួត​ស្រួល​សម្រាប់​យើង​នោះ​ទេ ព្រោះ​ពួក​គេ​សុទ្ធ​តែ​មាន​បច្ចេកទេស​ខ្ពស់ និង​ជា​អនាគត​កីឡាករ​អាជីព​ក្នុង​លីគ​កំពូល​នៃ​ប្រទេស​ជប៉ុន។ សម្រាប់​ការ​រៀបចំ​ក្រុម យើង​បាន​រៀបចំ​បាន​ល្អ ហើយ​នឹង​ព្យាយាម​ប្រើ​តិច​និច​នៃ​ការ​ប្រកួត​បត់បែន ទៅ​តាម​ក្រុម​ដែល​ជា​គូ​ប្រកួត​ប្រជែង​របស់​យើង”។ ជាមួយ​គ្នា​នេះ​ដែរ​លោក Lee Wooyoung ដែល​ជា​គ្រូបង្វឹក​របស់​ក្រុម​ជម្រើស​ជាតិ​ជប៉ុន​អាយុ​ក្រោម 23 ឆ្នាំ បាន​ថ្លៃង​ថា៖ “ការ​ប្រកួត​នេះ គឺ​ជា​ការ​ប្រកួត​មួយ​ដែល​ពួក​យើង​ទន្ទឹងរង់ចាំ​ជា​យូរ​ណាស់​មក​ហើយ។ ពួក​យើង​នឹង​ប្រឹងប្រែង​លេង​ឲ្យ​បាន​ល្អ​បំផុត ដើម្បី​ទទួល​បាន​លទ្ធផល​ល្អ​ជូន​អ្នក​គាំទ្រ​របស់​ប្រទេស​ជប៉ុន ហើយ​ក៏​អរគុណ​ប្រទេស​កម្ពុជា ដែល​បាន​អញ្ជើញ​ក្រុម​របស់​ពួក​យើង និង​រៀបចំ​ឲ្យ​មាន​ការ​ប្រកួត​នេះ​ឡើង”។ ប្រភព: សហព័ន្ធ​កីឡា​បាល់ទាត់​កម្ពុជា